Naa chemistry hoti, Naa main student hota.

Naa chemistry hoti, Naa main student hota
Naa ye lab hoti, Naa ye accident hota.

Abhi practical me aayi nazar ek Ladki
Sundar thi naak uski test tube jaisi.

Baaton me uski glucose ki Mitthaas thi
Saanson me ester ki khoosbu bhi saath thi.

Aankhon se chalakta tha kuch is trah ka peyaar
Bin piye ho jaata tha alcohol ka khomaar.

Benzene Sa hota tha uski presence ka ehsaas
Andhere me hota tha radium ka ehsaas.

Lagne Lage uske ghar ke chakkar aise
Nucleus ke chaaro taraf electron ho Jaise.

Us din hamaare test ka confirmation howaa
Jab us ke daddy se Mera introduction howaa.

Sun kar hamaari baat wo aise uuchal padi
Ignesium tube me Jaise sodium bhadak padi.

Wo boli, hosh me aao pehchaano apni auqaat
Iron mil nahi sakta Kabhi gold ke saath.

Ye sun ke tuta hamaare armaano bhara beaker
Ham chup rahe benzaldehyde ka kadwa ghoont pikar.

Ab uski Yaadon ke sewa hamaara kam chalta na tha
Aur lab me hamaare dil ke sewa kuch jalta na tha.

Zindagi ho gayi unsaturated hydrocarbon ki tarah
Aur hum phirte rahr aawaara hydrogen ki tarah.

Ye mazaahiya shaery(humourous poetry) kaisi lagi..?? Doston !! Zaroor likhna... Are bhai likna nahi , comment karna( wo ladkiyon wala comment nahi!).