उसकी मेरी जुदाई mein

Wo khushboo bheja kerti thi,main nazmein likhta rahta tha.
Wo hans ke ujaala kerti thi,main subhein likhta rahta tha.

Geeli ret pe sahil ke doobtey sooraj ke hamrah
Wo chup si chalti rehti thi, main sochein likta rahta tha

Deep wafa ke hote thay ,ya shayed do taray hote the
Wo mujh ko dekha kerti thi, main aankhein likhta rahta tha.

Tapti dhoop ka rang bhi to phoolon sa ho jata tha
Wo zulfein khola karti thi, main shaamein likhta rahta tha.

Toot ker akser chahat mein, rootth ker akser ulfat mein
Wo mujhko jeeta kerti thi, main maatein likhta rahta tha.

Misl-e-khoon worag rag mein ban ke zeesht hi bahti thi
Mere jeenay ki wo wajah thi, main saansein likhta rakhta tha.

Dono’n ki pahli chahat thi, dono’n toot ke miltay the.
Wo waaday kerti rahti thi, main qasmein likhta rahta tha.

Rasm-e-duniya ko aakhir humko bhatka dena tha
Wo manzil dhoondha kerti thi, main raahein likhta rehta tha.

Chand din jab aa thehray they ,uski meri judai mein
Main uske haanth me pahroo’n phir lakeerein likhta rahta tha.

Din mein dard ki shiddat ko,hans ker main sah jaata tha
Per bin uske jo kat’ti thi wo raatein likhta rahta tha.

Guzri yaad ke sab lamhe dil ko cheer ke rakhtey the
Main gumnamim ke sehra me, haa’n ghaatein likhta rahta tha.

Us bin man ka aangan phir, khaali khaali rahta tha
Main tanhai ke haanthon per,aah maatein likhta rahta tha.

Dasht-e-wafa me basney ka dekh haasi aai “quamar-e-wafa’
Main yaadein likhta rehta hoon, main yaadein likhta rahta tha.

If u find the meaning of this nazm difficult, please contact on my email. Or I will try explaining it in the next post. So give ur feed back. THANKS.